Daşkənd şəhərində baş tutan konqresdə Ağciyər Xəstəlikləri Mərkəzinin direktoru Nəhmət Rəhmanov, Tibbi xidmətlərin təşkili departamentinin rəhbəri Əsgər İsmayılov və həmin departamentin Profilaktika və diaqnostika xidmətinin təşkili şöbəsinin müdiri Anar Adilov iştirak edib. 

Tədbir Ümumdünya Səhiyyə Təşkilatının Avropa Regional Bürosunun, “Stop TB Partnership” təşkilatının nümayəndələri, o cümlədən İsveçrə, Almaniya, Rusiya, Qazaxıstan, Qırğızıstan, Tacikistan, Belarus və Özbəkistandan alimlər, həkimlər, səhiyyə menecerləri və mütəxəssislərini bir araya gətirib.

Konqres çərçivəsində Azərbaycan nümayəndə heyəti tərəfindən “Azərbaycan Respublikasında vərəmin sürətli diaqnostikası məqsədilə süni intellektdən istifadə etməklə innovativ molekulyar-genetik və rentgenoloji metodların, həmçinin ekspress-testin tətbiqi” mövzusunda tezis nümayiş etdirilib və “Vərəmin sürətli diaqnostikasında innovativ texnologiyalar” mövzusunda təqdimatla çıxış edilərək TƏBİB-in vərəmlə mübarizədə innovativ yanaşmaları, əldə olunmuş nəticələr və gələcək perspektivlərlə bağlı iştirakçılara məlumat verilib.