TƏBİB-in Hüquq departamentinin Dövlət orqanları ilə iş şöbəsinin baş məsləhətçisi Mir Hüseyn Həbibli Çin Xalq Respublikasının Hainan vilayətinin, Haikou şəhərində keçirilən “İnkişaf etməkdə olan ölkələrin azad ticarət limanlarında hüququn aliliyi” mövzusunda seminarda iştirak edib.

Seminar çərçivəsində azad ticarət limanlarının fəaliyyətinin tənzimlənməsində Çin Xalq Respublikasının təcrübəsi, azad ticarət limanlarının fəaliyyətini tənzimləyən qanunvericilik aktlarında diqqət yetirilməli məsələlər və azad ticarət limanlarında hüquqi mübahisələrin məhkəmə və məhkəmədənkənar həlli ilə bağlı mövzular üzrə dərslər, eləcə də müxtəlif tanışlıq səfərləri təşkil olunub. 

Seminarın sonunda Mir Hüseyn Həbibliyə Çin Xalq Respublikasının Ticarət Nazirliyi tərəfindən sertifikat verilib, eyni zamanda o, Çin Xalq Respublikasının Ticarət Nazirliyinin təmsilçisinə Azərbaycan xalq-tətbiqi sənətinə aid xalça hədiyyə edib.