"Tibbi Ərazi Bölmələrini İdarəetmə Birliyi" publik hüquqi şəxsi (TƏBİB) insan kapitalının inkişafına, effektiv və şəffaf kadr siyasətinin həyata keçirilməsinə xüsusi əhəmiyyət verir.
TƏBİB-in kadr siyasəti yüksək ixtisaslı və peşəkar kadr potensialının formalaşdırılmasına yönəldilib.
Hazırda TƏBİB-də yerli ali məktəblərin məzunları ilə yanaşı, dünyanın bir çox aparıcı universitetlərində təhsil almış savadlı və təcrübəli kadrlar çalışır.
TƏBİB-də işləməklə Siz peşəkar, öz işini bilən mütəxəssislərdən ibarət mehriban və səmimi komandada işləmək, eləcə də ixtisasınızı artırmaq, böyük təcrübə toplamaq və daim inkişaf etmək imkanı əldə edəcəksiniz.
TƏBİB işçilərinin təhsilinə və peşəkar inkişafına böyük önəm verir, onlara müxtəlif yerli və xarici təşkilatların təşkil etdikləri treninqlərdə, seminarlarda və kurslarda iştirak etmək imkanı yaradır.
TƏBİB-də işə qəbul mərhələli test və ya müsahibə formasında, şəffaflıq, bərabərlik və qərəzsizlik prinsipləri əsasında həyata keçirilir.
Əgər Siz də mövcud vakansiyalar üzrə bizə müraciət etmək istəyirsinizsə, elektron anket formanızı müraciət etmək istədiyiniz sahə göstərilməklə vacancy@tabib.gov.az ünvanına göndərə bilərsiniz.