TƏBİB, “Azərbaycan Hepato-Pankreato-Biliar Cərrahlar” İctimai Birliyi, “Keyfiyyət Assosiasiyası” İctimai Birliyi və “Azərbaycan Təlim və İnkişaf Mərkəzi” Məhdud Məsuliyyətli Cəmiyyəti arasında ikitərəfli və qarşılıqlı faydalı əməkdaşlığın qurulması istiqamətində Anlaşma Memorandumu imzalanıb.

Memorandumun imzalanması zamanı səhiyyə sahəsində müasir idarəetmə və innovativ yanaşmaların yayılması, tərəflər arasında koordinasiyalı fəaliyyətin və informasiya mübadiləsinin gücləndirilməsi, eləcə də yaxın və uzunmüddətli dövrdə birgə layihə və proqramların hazırlanaraq həyata keçirilməsi məsələləri müzakirə olunub.

Məqsəd tibbi xidmətin təkmilləşdirilməsi istiqamətində qoyulmuş hədəflərə çatmaq üçün bütün tərəflərin səylərinin birləşdirilməsi, vətəndaş məmnuniyyətinin və xidmət keyfiyyətinin yüksəldilməsinə töhfə verməkdir.

Qeyd edək ki, imzalanan sənədlərə əsasən bundan sonra icrası nəzərdə tutulan proqram və layihələr qarşılıqlı razılıq əsasında həyata keçiriləcək.