TƏBİB-in region xəstəxanalarının inkişaf etdirilməsi, tibb müəssisələrinin modernləşməsi, onların yeni tibbi avadanlıqlarla təmin olunması, paytaxtdan asılılığının azaldılması və beləliklə, keyfiyyətli tibbi xidmətlərə əlçatanlığının təmin edilməsi istiqamətində gördüyü işlər müsbət nəticələr verməkdədir.

Qəbələ Rayon Mərkəzi Xəstəxanasında ilk dəfə damar cərrahiyyəsinin icrasına başlanılıb.

İlk cərrahi əməliyyat 1989-cu il təvəllüdlü şəxs (kişi) üzərində aparılıb və sağ aşağı ətraf venalarının genişlənməsi, sağ aşağı ətrafın 2 və 3-cü dərəcəli venoz çatışmazlığı diaqnozu ilə sağtərəfli flebektomiya əməliyyatı icra edilib.

Cərrahi əməliyyatdan sonra pasiyentin vəziyyəti qənaətbəxş hesab edilir. Onun müalicəsi stasionar şəraitdə müvafiq şöbədə davam etdirilir.

Qeyd edək ki, bugünədək, əsasən, paytaxtdakı ixtisaslaşmış tibb müəssisələrində icrası mümkün olan bir sıra mürəkkəb əməliyyatlar, həmçinin tibbi müayinələr artıq region xəstəxanalarında da həyata keçirilir.