TƏBİB və tabeliyində fəaliyyət göstərən tibb müəssisələrindən olan həkimlər “İnformasiya təhlükəsizliyi və kibertəhlükəsizlik” və “Süni intellekt dövründə informasiya təhlükəsizliyi” mövzularında maarifləndirici təlimlərə cəlb edilib.

Təlimlərin keçirilməsində məqsəd fişinq və sosial mühəndislik hücumlarından qorunma, güclü şifrə siyasətinin tətbiqi, pasiyent məlumatlarının məxfiliyinin təmin edilməsi, süni intellekt alətlərindən təhlükəsiz və düzgün istifadə, eləcə də iş mühitində kibertəhlükəsizlik risklərinin idarə olunması kimi aktual mövzular üzrə əməkdaşların bilik və bacarıqlarının artırılmasıdır.

Təlimlərdə TƏBİB aparatından və eləcə də tabeli tibb müəssisələrinin rəhbər şəxslərindən 90 nəfər, tabeli tibb müəssisələrində çalışan tibbi heyət üzrə 60 nəfər, tibb müəssisələrinin inzibati heyətindən 120 nəfər olmaqla, ümumilikdə 270 nəfər iştirak edib.

Qeyd edək ki, təlimlər Azərbaycan Respublikası Nazirlər Kabinetinin müvafiq Qərarı ilə təsdiq edilmiş "Kritik informasiya infrastrukturunun təhlükəsizliyinin təmin edilməsi Qaydaları"na əsasən keçirilir.