Zərurət yarandığı halda ilkin tibbi yardım göstərə bilmək üçün aprelin 22-də Füzuli şəhərinə yola salınan növbəti köç karvanını TƏBİB-in tabeliyində fəaliyyət göstərən Respublika Təcili və Təxirəsalınmaz Tibbi Yardım Mərkəzinin əməkdaşları müşayiət ediblər.
Qeyd edək ki, ölkənin müxtəlif ərazilərində yataqxana, sanatoriya, pioner düşərgəsi, yarımçıq tikililər və inzibati binalarda müvəqqəti məskunlaşmış ailələrdən ibarət köç karvanı Bakı şəhərinin Qaradağ rayonundan Füzuli şəhərinə yola salınıb.
Budəfəki köç karvanı ilə 39 ailə - 172 nəfər Füzuli şəhərinə köçürülüb.